अज्ञात हल्लेखोरांकडून दोन्ही मुलांसह पित्यावर प्राणघातक चाकूहल्ला
मुक्ताईनगर खान्देश लाईव्ह न्यूज प्रतिनिधी – शहरातील परिवर्तन चौकातील एका व्यवसायिकावर चाकूहल्ला केल्याची धक्कादायक घटना गुरुवारी १९ डिसेंबर रोजी रात्री १०.३० वाजता घडली आहे. यात दोन भावांसह त्यांचे वडील जखमी झाले असल्याचे वृत्त असून यातील एकाची प्रकृती चिंताजनक आहे जखमी ला छत्रपती संभाजीनगर येथे दाखल करण्यात आले आहे.
याप्रकरणी मुक्ताईनगर पोलिसात गुन्हा दाखल करण्यात आला आहे.
याबाबत माहिती अशी की मुक्ताईनगर शहरातील परिवर्तन चौकात मंगेश रमेश खेवलकर यांचे तुळजाई शॉपी नावाचे दुकान आहे.
गुरुवारी १९ डिसेंबर रोजी रात्री १०.३० वाजता मंगेश खेवलकर त्यांचे भाऊ रवींद्र रमेश खेवलकर आणि वडील रमेश देवचंद खेवलकर हे दुकान बंद करून घरी जाण्यासाठी निघाले असता त्यावेळी अज्ञात हल्लेखोरांनी त्यांच्यावर चाकूहल्ला करण्यात केला. यात मंगेश खेवलकर हे गंभीर जखमी झाले आहेत. त्यामुळे त्यांना मंगेश खेवलकर येथील उपचारासाठी दाखल करण्यात आले आहे.
घटनेत रवींद्र खेवलकर व त्यांचे वडील रमेश खेवलकर यांना मुक्ताईनगर शहरातील खाजगी रुग्णालयात दाखल करण्यात आला आहे.
या संदर्भात मुक्ताईनगर पोलीस ठाण्यात अज्ञात हल्लेखोरांवर विरोधात गुन्हा दाखल करण्यात आला. या घटनेमुळे परिसरामध्ये खळबळ उडाली आहे. दरम्यान हा हल्ला कोणत्या कारणामुळे झाला याची माहिती अद्याप स्पष्ट झालेली नाही.
