अवैध वाळू प्रतिबंधक कॅम्पचे दिवशी डंपर पलटी झाल्याने तलाठ्याचा ३० हजार रुपयाचा लाभ.
यावल दि.२५ खानदेश लाईव्ह न्युज यावल
यावल तालुक्यातून जळगाव कडे जाणाऱ्या रोडवर एका ठिकाणी अवैध वाळू वाहने पकडण्यासाठी महसूलचा कॅम्प लागला होता. कॅम्प ज्या ठिकाणी लागला त्या ठिकाणापासून काही अंतरावर एक वाळूचे डंपर पलटी होऊन डंपरचे मोठ्या प्रमाणात नुकसान झाले.
परंतु त्यात अवैध वाळू असल्याने कारवाई होऊ नये म्हणून पाटील नामक तलाठ्याला त्यावेळेला त्या रस्त्यावर तीस हजार रुपयांचा लाभ झाल्याचे अवैध वाळू वाहतूकदारांमध्ये बोलले जात आहे या प्रकरणाची चौकशी तहसीलदार यांनी केल्यास तालुक्यात काही एक दोन तलाठी यांचे अवैध वाळू वाहतुकीत शंभर टक्के भागीदारी असून त्यांच्या वाहनांवर वाहन क्रमांक नसल्याचे सुद्धा वाळू वाहतूकदारांमध्ये बोलले जात आहे. तालुक्यातून बदली होऊन गेलेले तलाठी पुन्हा यावल तालुक्यात त्याच ठिकाणावर येण्यासाठी जोरदार हालचाली करीत असल्याचे सुद्धा अवैध वाळू वाहतूकदारांमध्ये बोलले जात आहे.
यावल तालुक्यात दिवस रात्र गौण खनिज / गाळ / पिवळी माती शेतकऱ्यांच्या नावाखाली सर्रासपणे वाहतूक होत असल्याने यात महसूल आणि तहसीलदार यांची शुद्ध दिशाभूल केली जात असल्याची चर्चा आहे.
