डी-मार्ट जवळ भरधाव दुचाकीने समोरील दुचाकीला धडक : जखमी तरूणाला तिघांकडून मारहाण !
जळगाव खान्देश लाईव्ह न्यूज प्रतिनिधी – भरधाव दुचाकीने समोरील दुचाकीला धडक दिल्यामुळे मच्छिंद्र देवजी महाजन (३६, रा. विखरण, ता. एरंडोल) हे जखमी झाले. अपघातानंतर धडक देणाऱ्या दुचाकीवरील तिघांनी जखमीला शिवीगाळ करीत मारहाणही केली. ही घटना १४ फेब्रुवारी रोजी डी-मार्ट समोर घडली.
याबाबत सविस्तर वृत्तांत असे की, १५ फेब्रुवारी एमआयडीसी पोलिस ठाण्यात तिघांविरुद्ध गुन्हा दाखल करण्यात आला आहे. मच्छिंद्र महाजन हे दुचाकीने (एमएच १९ डीएल ८३९६) डी-मार्ट समोरून जात असताना त्याच्या पाठीमागून आलेल्या भरधाव दुचाकीने (एमएच १९, एएक्स ६३४२) धडक दिली. यात महाजन हे खाली पडले व पायाला दुखापत झाली. याचा जाब विचारला असता धडक देणाऱ्या दुचाकीवरील तीन जणांनी त्यांना शिवीगाळ करीत मारहाण केली. महाजन यांनी १५ रोजी एमआयडीसी पोलिसात फिर्याद दिली.
