तहसील कार्यालयासमोरून दुचाकी चोरणाऱ्या आरोपीला अटक !
अमळनेर खान्देश लाईव्ह न्यूज प्रतिनिधी – तहसील कार्यालयासमोरून दुचाकी चोरणाऱ्या आरोपीला अमळनेर पोलिसांनी शिरपूर येथून अटक केली असून त्याच्याजवळून तीन दुचाकी हस्तगत केल्या आहेत.
याबाबत सविस्तर वृत्तांत असे की, विधानसभा निवडणूक काळात माजी आमदार शिरीष चौधरी यांचा उमेदवारी अर्ज भरताना झालेल्या गर्दीचा गैरफायदा घेत शिरपूर येथील संतोष विठ्ठल हटकर (३४, क्रांतीनगर, शिरपूर) याने एक दुचाकी चोरली होती. पोलिस निरीक्षक विकास देवरे यांनी विविध रस्त्यांचे सीसीटीव्ही कॅमेरे तपासले असता संशयित आरोपीचा शोध घेण्यासाठी त्यांनी पथकाला रवाना केले. संतोष हटकर यांच्याविरुद्ध शिरपूर पोलिस स्टेशनला गुन्हे दाखल असल्याने तांत्रिक मुद्यांच्या आधारे त्याची ओळख पटली. पोलिसांनी त्याला त्याच्या घरातून अटक केली.
