दुचाकीचा कट लागल्याने महिलेला शिवीगाळ करीत मारहाण !
जळगाव खान्देश लाईव्ह न्यूज प्रतिनिधी – दुचाकीचा कट लागल्याच्या कारणावरून एका महिलेला शिवीगाळ व मारहाण करून जिवे ठार मारण्याची धमकी देण्यात आली. ही घटना गुरुवारी (५ डिसेंबर) मेहरुण परिसरात घडली.
याबाबत सविस्तर वृत्तांत असे की, याप्रकरणी एमआयडीसी पोलिस ठाण्यात अदखलपात्र गुन्हा दाखल करण्यात आला आहे. राम नगरातील रहिवासी माया वालचंद तांबे (३०) या दुचाकीने जात असताना समोरून येणाऱ्या दुचाकीचा कट लागला. त्यावरून समोरील दुचाकीस्वाराने महिलेला शिवीगाळ करत मारहाण करून जीवे ठार मारण्याची धमकी दिली. या प्रकरणी महिलेने एमआयडीसी पोलिस ठाण्यात फिर्याद दिली. त्यावरून मारहाण करणाऱ्याविरुद्ध अदखलपात्र गुन्हा दाखल करण्यात आला आहे. पुढील तपास पोलिस नाईक हेमंत जाधव करत आहेत
