पत्रकार नितीन इंगळे यांना राज्यस्तरीय ‘पत्रकार रत्न’ पुरस्काराने सन्मानित
जामनेर | प्रतिनिधी – निर्भिड आणि निपक्षपणे पत्रकारितेच्या माध्यमातून सामाजिक प्रश्नांना वाचा फोडणारे, शासनाच्या विविध योजनांची अंमलबजावणी जनतेपर्यंत पोहोचविणारे तसेच लोकजागृतीसाठी उल्लेखनीय योगदान देणारे जामनेर येथील पत्रकार नितीन इंगळे राज्यस्तरीय ‘पत्रकार रत्न’ पुरस्काराने सन्मानित
६ जानेवारी, मराठी पत्रकार दिनाचे औचित्य साधून मलकापूर येथे हिंदी मराठी पत्रकार संघाच्या वतीने आयोजित भव्य राज्यस्तरीय पत्रकार गौरव सोहळा उत्साहात पार पडला आहे
या कार्यक्रमात पत्रकार क्षेत्रातील असामान्य कार्यगौरव करणाऱ्या पत्रकारांचा सन्मान करण्यात आला असून पत्रकार नितीन इंगळे यांनाही सन्मानीत करण्यात आले आहे .
या सत्कार समारोह कार्यक्रमात उपविभागीय पोलीस अधिकारी, तहसीलदार, पोलीस निरीक्षक, पोलीस उपनिरीक्षक, उद्योगपती, प्रतिष्ठित नागरिक, आणि ज्येष्ठ पत्रकार मोठ्या संख्येने उपस्थित होते.
मान्यवरांच्या हस्ते पत्रकार नितीन इंगळे यांना गौरवचिन्ह, मानपत्र आणि पुष्पगुच्छ देऊन सन्मानित करण्यात आले.
पत्रकार नितीन इंगळे यांनी सत्यशील आणि निर्भिड पत्रकारिता करत समाजातील विविध प्रश्न प्रकाशझोतात आणले आहे . शासनाच्या विकास योजना, स्वच्छता अभियान आणि जनजागृतीवर केलेले लेखन हे लोकप्रबोधनाचे प्रभावी साधन ठरले.
त्यांचा हा सन्मान पत्रकारितेच्या क्षेत्रातील नवा आदर्श निर्माण करणारा ठरला आहे.
या कार्यक्रमास पत्रकार बांधवांचा उत्स्फूर्त प्रतिसाद लाभला होता .
कार्यक्रमाला जामनेर येथील पत्रकार सुनील इंगळे, सागर लव्हाळे, मोहन दुबे, मनोज महाले, शांताराम झाल्टे, अरुण तायडे, देविदास विसपुते, साहेबराव क्षीरसागर, मोहन जोशी, अनिल शिरसाट,किरण चौधरी, अक्षय वानखेडे आणि पत्रकार बांधव मोठ्या संख्येने उपस्थित होते.
उपस्थितांनी नितीन इंगळे यांचे अभिनंदन करून त्यांना पुढील कार्यासाठी शुभेच्छा दिल्या आहेत.
पत्रकार नितीन इंगळे यांना मिळालेला हा पुरस्कार पत्रकारिता क्षेत्रातील उल्लेखनीय योगदानाची पावती आहे. सामाजिक प्रश्नांवर त्यांनी घेतलेली भुमिका आणि लोकशाहीला बळकटी देण्यासाठी केलेले कार्य यामुळे त्यांचा हा गौरव सर्वांसाठी प्रेरणादायी ठरला आहे.
हिंदी मराठी पत्रकार संघाच्या पदाधिकाऱ्यांनी या भव्य कार्यक्रमाचे नियोजन अत्यंत नेटकेपणाने केले. या सत्कार सोहळ्यामुळे पत्रकार बांधवांचे मनोबल वाढविले आहे.
