भरधाव ट्रकच्या धडकेत दुचाकीस्वार गंभीर जखमी !
जळगाव खान्देश लाईव्ह न्यूज प्रतिनिधी – घराकडे येत असलेल्या दुचाकीस्वाराला समोरुन भरधाव वेगाने येणाऱ्या ट्रकने जोरदार धडक दिली. या अपघातात दुचाकीस्वार रहीम अमीर पटेल (रा. नाचणखेडा, ता. जामनेर) हा गंभीर जखमी झाला. ही घटना दि. ९ ऑक्टोंबर रोजी रात्री दहा वाजता म्हसावद गावाजवळ घडली.
याबाबत सविस्तर वृत्तांत असे की, याप्रकरणी ट्रक चालक श्रीकांत प्रकाश घिसाडी (रा. खर्ची, ता. एरंडोल) याच्याविरुद्ध गुन्हा दाखल करण्यात आला आहे.जामनेर तालुक्यातील नाचणखेडा रहीम अमीर पटेल हा तरुण (एमएच १७, बीक्यू ७४५४) क्रमांकाच्या दुचाकीने दि. ९ ऑक्टोंबर रोजी दुचाकीने म्हसावद ते एरंडोल रस्त्याने घरी जात होता. म्हसावद गावाजवळ समोरुन भरधाव वेगाने येणाऱ्या (एमएच ४८, ऐजी ५५३५) क्रमांकाच्या आयशरने त्याला समोरुन जोरदार धडक दिली. या अपघातात दुचाकीस्वाराच्या डोक्याला, तोंडाला आणि पायाला गंभीर दुखापत झाली असून त्याच्यावर रुग्णालयात उपचार सुरु आहे. दरम्यान, जखमीचा भाऊ अलीम अमीर पटेल याने दिलेल्या तक्रारीवरुन ट्रक चालक श्रीकांत प्रकाश घिसाडी याच्याविरुद्ध एमआयडीसी पोलिसात गुन्हा दाखल करण्यात आला आहे.
