मुक्ताईनगर तालुक्यात शेतजमिनीच्या वादातून चुलत भावानेच केला तरुणाचा खुन!
मुक्ताईनगर खान्देश लाईव्ह न्यूज प्रतिनिधी – तालुक्यातील टाकळी शिवारात एका शेतजमीनीच्या जुन्या वादातून चुलतभावाने एकास सोबत घेवुन त्याच्या मदतीने चुलत भावाचा अज्ञात हत्यारांनी वार करून खून केल्याची धक्कादायक घटना उघडकीस आली आहे.
या संदर्भात शनिवारी मुक्ताईनगर पोलीस ठाण्यात दोन संशयिताविरोधात गुन्हा दाखल करण्यात आला आहे.सुनील रामसिंग चव्हाण वय-३२, रा. टाकळी ता. मुक्ताईनगर असे खुन झालेल्या तरुणाचे नाव आहे. सुनील चव्हाण हा आपल्या परिवारासह मुक्ताईनगर तालुक्यातील टाकळी गावात वास्तव्याला होता. शेती आणि मजुरीचे काम करून तो आपला उदरनिर्वाह करत होता. दरम्यान त्याचे चुलतभाऊ प्रवीण जगन चव्हाण सोबत सुनिल चव्हाण यांच्यासोबत शेत जमीनीचा जूना वाद असल्याचे सांगितले जाते,२५ मार्च रोजी सायंकाळीच्या सुमारास सुनिल हा मित्रांसोबत जेवण करण्यासाठी दुचाकी क्रमांक (एमएच १९ एसी ४४७३) ने निघून गेला होता.त्यानंतर तो घरी परतला नाही. दुसऱ्या दिवशी २६ मार्च रोजी सकाळी ६ वाजता सुमारास सुनील चव्हाण याचे नातेवाईक रस्त्यावरून येत असताना टाकळी शिवारातील सुरेश चव्हाण यांच्या शेताजवळ सुनिल चव्हाण यांचा दुचाकीजवळ मृतदेह आढळून आला आहे. यावेळी त्याच्या शरीरावर संशयास्पद जखमा असल्याने त्याचा खून करण्यात आला असा निष्कर्ष लावण्यात आला होता. या घटनेबाबत मुक्ताईनगर पोलिसांनी घटनास्थळी दाखल होऊन मृतदेहाचा पंचनामा केला, यासंदर्भात मुक्ताईनगर पोलीस ठाण्यात मयत सुनील चव्हाण यांचा भाऊ संजय चव्हाण यांनी दिलेल्या फिर्यादीवरून संशयित आरोपी प्रवीण जगन चव्हाण आणि बाळू ममराज जाधव दोन्ही रा. टाकळी ता. मुक्ताईनगर यांच्या विरोधात खुनाचा गुन्हा दाखल करण्यात आला आहे. दरम्यान या गुन्ह्यातील एकाला अटक केल्याची माहिती सूत्रांनी दिली आहे.
घटनेचा पुढील तपास सहाय्यक पोलीस निरीक्षक जयेश पाटील करीत आहे.
