लहान मुलांच्या भांडणावरुन तिघांवर धारदार शस्त्राने वार !
जळगाव खान्देश लाईव्ह न्यूज प्रतिनिधी – लहान मुलांच्या भांडणावरुन तरुणासह त्याच्या काकू व चुलत भावाला तिघांनी मारहाण करीत धारदार वस्तूने वार करीत जखमी केले. ही घटना दि. १९ रोजी रात्री साडेनऊ वाजेच्या सुमारास शहरातील मासुमवाडी परिसरात घडली.
याबाबत सविस्तर वृत्तांत असे की, याप्रकरणी तिघांविरुद्ध एमआयडीसी पोलिसात गुन्हा दाखल करण्यात आला. शहरातील मासुमवाडी परिसरातील डायमंड हॉलच्या मागे शेख रहीम शेख युनूस हे वास्तव्यास आहे. दि.१९ रोजी रात्रीच्या सुमारास याच परिसरातील अल्तमश बागवान, हुजेफ बागवान, अमीर बागवान यांनी लहान मुलांच्या भांडणावरुन तरुणासह त्यांच्या काकू गरगिस बी फिरोज शेख, चुलत भाऊ नवाज फिरोज शेख यांनी त्यांच्या हातातील धारदार शस्त्राने वार करुन गंभीर जखमी केले. तसेच शिवीगाळ करीत दमदाटी केली. याप्रकरणी तिधांविरुद्ध एमआयडीसी पोलिसात गुन्हा दाखल करण्यात आला आहे. पुढील तपास पोहेकॉ ईश्वर लोखंडे हे करीत आहे.
