वन अधिकारी कार्यालयात अदृश्य, बिबट्या शेती शिवारात,हरीण शहरात आणि नागरिकांमध्ये भीतीचे वातावरण.
यावल दि.२६. खानदेश लाईव्ह न्युज प्रतिनिधी
सध्या लोकशाही राज्यात मानव जातीला,शासकीय अधिकारी कर्मचाऱ्यांना आणि वन्य प्राण्यांना खुले आम आपले कर्तव्य करून फिरण्याचे स्वातंत्र्य प्राप्त झाले आहे त्यानुसार यावल येथील यावल पूर्व आणि पश्चिम वन क्षेत्राच्या कार्यक्षेत्रात बिबट्या शेती शिवारात बिंधास्त फिरत असल्याची घटना घडली असली तरी या सोबत हरिण सुद्धा रात्रीच्या वेळेस यावल शहरात फिरताना दिसून आल्याने वन अधिकारी कार्यालयात अदृश्य म्हणजे कार्यालयीन वेळेत भेटत नसल्याचे आणि बिबट्या शेती शिवारात,हरीण शहरात खुल्या हिंडत असल्याने सर्व स्तरातील नागरिकांमध्ये भीतीचे वातावरण निर्माण झाले आहे.
कारण सोमवार दि.२४ मार्च २०२५ रोजी रात्री यावल शहरात खिर्नीपुरा,नगीना चौक परिसरात एक हरीण पळत गेल्याचे रात्री बॅडमिंटन रस्त्यावर खेळणाऱ्या मुलांनी बघितले आणि ते छायाचित्र एकाच्या सीसीटीव्ही कॅमेरा मध्ये टिपले गेले आहे यामुळे त्या हरिणाच्या मागे बिबट्या लागला असेल ( हरिण बिबट्या पेक्षा जास्त वेगाने पळते अशी चर्चा आहे ) आणि त्यामुळे ते यावल शहरात पळत आले असेल तसेच यावल पूर्व आणि पश्चिम वनक्षेत्रपाल यांच्या कार्यालयात काही नागरिक कामानिमित्त गेले असता कार्यालयीन वेळेत संबंधित जबाबदार प्रमुख अधिकारी कर्मचारी शासकीय कामानिमित्त जळगाव कार्यालयात गेले असल्याचे किंवा सातपुड्यात कामानिमित्त गेल्याचे सांगितले जाते त्यामुळे कार्यालयात कार्यालयीन वेळेत अधिकारी अदृश्य आणि बिबट्या शेती शिवारात हिरण शहरात यामुळे सर्व स्तरात भीतीचे वातावरण निर्माण झाले असल्याबाबत जोरदार चर्चा
यावल तालुक्यात सुरू झाली आहे.
