४ दिवसांनी सोन्याच्या दरात घसरण !
जळगाव खान्देश लाईव्ह न्यूज प्रतिनिधी – राज्यात विधानसभा निवडणुकीचे निकाल लागले आहे तर आता दोन दिवसात राज्यात सरकार देखील स्थापन होत आहे. तर गेल्या चार दिवसांपासून भाववाढ होत असलेल्या सोने भावात सोमवारी (२५ नोव्हेंबर) मोठी घसरण झाली. सोने भाव एक हजार ३०० रुपयांनी कमी होऊन ७७ हजार ६०० रुपये प्रतितोळ्यावर आले. तसेच चांदीदेखील एक हजार २०० रुपयांनी कमी होऊन ९० हजार ५०० रुपये प्रतिकिलोवर आली.
मध्यंतरी घसरण झालेल्या सोने भावात चार दिवसांपासून वाढ होत गेली. यामध्ये २१ नोव्हेंबर रोजी ७७ हजार ७०० रुपयांवर असलेल्या सोने भावात २२ रोजी ८०० रुपये, २३ रोजी ४०० रुपयांची वाढ होऊन सोने ७८ हजार ९०० रुपयांवर पोहोचले होते. रविवारी हेच भाव कायम होते.
दुसरीकडे चांदीचे भाव तर कमी-कमी होत आहेत. यामध्ये २१ नोव्हेंबर रोजी ९३ हजार रुपयांवर असलेल्या चांदीच्या भावात २२ रोजी एक हजार, २३ रोजी ३०० रुपयांची घसरण होऊन ती ९१ हजार ७०० रुपये प्रतिकिलोवर आली. सोमवारी तर थेट एक हजार २०० रुपयांची घसरण झाली व चांदी भाव ९० हजार ५०० रुपयांवर आले
