इंजिनीअरिंगची फी भरण्यासाठी निघालेल्या वयोवृद्ध दाम्पत्याची भुसावळ येथे लुट ; काही तासांतच आरोपीला अटक!
भुसावळ खान्देश लाईव्ह न्यूज प्रतिनिधी – नातवासोबत अभियांत्रिकीची फी भरण्यासाठी निघालेल्या वयोवृद्धाच्या खिशातून भामट्याने जबरीने सहा हजारांची रोकड हिसकावून पोबारा केला होता. सदर, ही घटना शहरातील बसस्थानकात सोमवार,१२ रोजी सकाळी १०:३० वाजता घडली होती.
याबाबत सविस्तर वृत्तांत असे की, बाजारपेठ पोलिसांनी अवघ्या काही तासात आरोपी सुरज अशोक भांगे (२३, पापा नगर, भुसावळ) यास अटक करीत रक्कम जप्त केली.रामू निंबा सुरवाडे (७६, खंडाळा, ता. भुसावळ) हे नातू चंद्रकिरण सुरवाडेसोबत १२ रोजी सकाळी १०:३० वाजता जळगाव जाण्यासाठी बसच्या प्रतीक्षेत असताना भामट्याने त्यांच्या खिशातील सहा हजारांची रोकडबरीने हिसकावून पोबारा केला होता. सुरवाडे हे नातवाची अभियांत्रिकीची फी भरण्यासाठी प्रकार घडला. भुसावळ बाजारपेठ पोलिसात या प्रकरणी गुन्हा दाखल करण्यात आला आहे.
