चाळीसगावात खळबळ : दोघांनी गळफास घेत केली आत्महत्या !
चाळीसगाव खान्देश लाईव्ह न्यूज प्रतिनिधी – चाळीसगाव तालुक्यातील दोघांनी गळफास घेऊन आत्महत्या केल्याची घटना उघडकीस आली असून, याबाबत पोलिसांत आकस्मिक मृत्यूची नोंद करण्यात आली आहे
याबाबत सविस्तर वृत्तांत असे की, चाळीसगाव तालुक्यातील खेरडे येथील विनोद इंदल पवार (३६) याने राहत्या घरात गळफास घेतल्याचा प्रकार १० रोजी उघडकीस आला. त्याला ग्रामीण रुग्णालयात दाखल केले असता वैद्यकीय अधिकाऱ्यांनी मयत घोषित केले. याबाबत चाळीसगाव ग्रामीण पोलिस स्टेशनला आकस्मिक मृत्यूची नोंद करण्यात आली आहे. विनोद पवार यांनी आत्महत्या का केली, त्यामागचे कारण समजू शकले नाही. दुसऱ्या घटनेत टाकळी प्र. दे. येथे शरद बिमा गायकवाड (३०) या तरुणाने घराच्या मागील खोलीतल्या पत्र्याच्या लोखंडी अँगलला दोरी बांधून गळफास घेतल्याची घटना १० रोजी घडली. आत्महत्येमागचे कारण अद्यापही अस्पष्टच आहे.
याबाबत मेहुणबारे पोलिस ठाण्यात आकस्मिक मृत्यूची नोंद करण्यात आली असून, तपास मोहन सोनवणे करीत आहेत.
