वरणगाव पोलिसांनी लावला छडा इतर संशयीतही ताब्यात
वरणगाव खान्देश लाईव्ह न्यूज प्रतिनिधी – पहाटे ५ वाजेच्या दरम्यान फिर्यादी चालक झोपेत असतांना अज्ञात चोरटयांनी ट्रक चोरून नेल्याची तक्रार रविवार ( ता.८ ) ट्रकच्या चालकाने वरणगाव पोलीस ठाण्यात दिली. मात्र वरणगाव पोलिस ठाण्याचे अधिकारी व कर्मचाऱ्यांनी ट्रक चोरीचा बारकाईने तापास करून घटना स्थळा वरील हॉटेलचे सीसीटीव्ही फुटेज तपासुन चोरीची घटना आणि केलेल्या पोलिस तपासात फिर्याद देणारा ट्रक चालकच चोर असल्याचे समोर आले.
अज्ञात चोरट्यांनी ट्रक चालक ट्रकमध्ये नसल्याचे पाहुन महामार्गावरील हॉटेल वेस्टर्न वरून गुरुवार ( ता. ५ ) पहाटे ५ वाजेच्या सुमारास ट्रक पळवून नेल्याची फिर्याद रविवार ( ता. ८ ) देणारा फिर्यादी ट्रक चालकच या प्रकरणात आरोपी असल्याचे वरणगाव पोलिसांनी केलेल्या तपासात समोर आले आहे. फिर्यादी ट्रक चालक व त्याचे दोन साथीदार भुसावळ तालुक्यातील वरणगाव येथील महामार्गावरील हॉटेल वेस्टर्न येथे बुधवार ( ता. ४ सप्टेबंर) रात्री १०.३० वा.ट्रक चालक अरबाझ खान तस्लीम (वय २७ ) रा. पाळधी ता. धरणगाव ट्रक क्रमांक (एमएच ४३ वाय ८०८७) ट्रक घेऊन आला होता. मात्र त्याने गुरुवार ( ता. ५ ) पहाटे ५वाजेच्या दरम्यान त्याच्या दोन साथीदारांना सांगुन ट्रक पळऊन नेला साथीदारांसह बनाव रचुन रविवार ( ता. ८ ) वरणगाव पोलिस स्थानकात अज्ञात चोरटयांनी हॉटेल वेस्टर्न वरून मी झोपेत असतांना ट्रक चोरी करून नेल्याची फिर्याद दिली होती .प्रकरणाचे गांभीर्य लक्षात घेता. वरणगाव पोलिस ठाण्याचे सहाय्यक पोलिस निरीक्षक भरत चौधरी, पोलिस उपनिरीक्षक रामदास गांगुर्डे, पोलिस उपनिरीक्षक सुशिल सोनवणे पोलिस यांनी कर्मचारी संदीप बनसोडे यासीन पिंजारी, सुखराम सावकारे आदि.यांच्या मदतीनेगतीमान तपासाची चक्रे फिरवली. ट्रक चालक अरबाज खान तस्लीम खान याच्या जबानीत वेळोवेळी विसंगती येत असल्याने त्याच्यावर संशय वाढला. सहाय्यक पोलीस निरीक्षक भरत चौधरी यांनी घटनास्थळांवर जाऊन हॉटेल वेस्टर्नचे सर्व सीसीटीव्ही फुटेज तपासुन माहिती गोळा करून पुन्हा फिर्यादी यास विश्वासात घेत चौकशी केली असता त्याने सर्व घटनाक्रम सांगितला.
असा रचला कट
मुक्ताईनगर भुसावळ महामार्गावरील हॉटेल वेस्टर्न वर ट्रकचालक ट्रकच्या बाहेर गाढ झोपेत असतांना अज्ञात चोरट्यांनी ट्रक पळवून नेला अशी फिर्याद दिली तर आपल्यावर शंसय येणार नाही असे ठरवून त्यांनी कट रचला. गुरूवारी ( ता. ५ ) पहाटे ५ वाजेच्या सुमारास फरार असलेले दोन संशयीत अशा या तीघानी ट्रक हॉटेलच्या अंगणांतून बाहेर काढला आणि सोबत असलेले दोघे साथीदार ट्रक घेऊन निघुन गेले चालक अरबाझ याने ट्रक खुप लांब गेला असेल किंवा ट्रकची मोडतोड झाली असेल त्या अनुशंगाने तीन दिवस टाईमपास करून शोध घेत होतो असे कारण पोलिसां सांगुन रविवार ( ता. ८ ) वरणगाव पोलिसांत फिर्याद दिलीपरंतू घटनाक्रम सांगताना ट्रकचालक गोंधळून गेला व पोलिसांचा संशय बळावला पोलिसांनी घटनास्थळावरून विविध पुरावे गोळा करून फिर्यादी अरबाझ व त्याचे दोन साथीदार यांचे वर गुन्हा दाखल केला असुन फरार दोघांचा व ट्रकचा शोध वरणगाव पोलिस घेत आहे.
पोलीसांची दिशाभूल करण्यासाठी आरोपीने खोटी फिर्याद दिल्याने या प्रकरणाची माहिती न्यायालयास पाठविणार असल्याचे सहाय्यक पोलीस निरीक्षक भरत चौधरी यांनी सांगितले. दरम्यान आरोपी ट्रकचालक अरबाझ खान यास वरणगाव पोलिसांनी ताब्यात घेऊन न्यायालयात हजर करण्यात आले होते.
