बापरे : फटाके फोडण्याच्या कारणावरुन वाद… टोळक्याने महिलेच्या डोक्यात कुऱ्हाडीने वार !
जळगाव खान्देश लाईव्ह न्यूज प्रतिनिधी – फटाके फोडण्याच्या कारणावरुन आठ जणांच्या टोळक्याने महिलेच्या डोक्यात कुऱ्हाडीने वार करण्यासह या महिलेच्या दीर व दिराणीलाही मारहाण केली. ही घटना २० ऑक्टोबर रोजी तालुक्यातील रामदेववाडी येथे घडली. याप्रकरणी एमआयडीसी पोलिस ठाण्यात आठ जणांविरुद्ध गुन्हा दाखल करण्यात आला आहे.
याबाबत सविस्तर वृत्तांत असे की, तालुक्यातील रामदेववाडी येथे फटाके फोडत असल्याच्या कारणावरुन वाद होऊन रेखाबाई धरमसिंग जाधव (४५, रा. रामदेववाडी) यांच्या डोक्यात एकाने कुन्हाडीने वार केला. तसेच महिलेचे दीर मिथून जाधव व दिराणी कांचन जाधव यांना शिवीगाळ करीत मारहाण केली. यामध्ये तिघे जखमी झाले. या प्रकरणी रेखाबाई जाधव यांनी एमआयडीसी पोलिस ठाण्यात फिर्याद दिली. त्यावरून मारहाण करणाऱ्या आठ जणांविरुद्ध गुन्हा दाखल करण्यात आला आहे. पुढील तपास पोहेकों स्वप्नील पाटील करीत आहेत.
