ब्रेकिंग : भाजपची पहिली यादी जाहीर ; भोळे,सावकारे, महाजन, चव्हाण पहिल्या यादीत !
जळगाव खान्देश लाईव्ह न्यूज प्रतिनिधी – राज्यात विधानसभा निवडणुकीची धामधूम सुरू झाली आहे तर दुसरीकडे नुकतीच महायुतीतील भारतीय जनता पार्टीची पहिली यादी जाहीर झाली आहे. या यादीत अनेकांचा पत्ता कट करण्यात आला आहे. मात्र अनेक ठिकाणी विद्यमान आमदारांना पुन्हा उमेदवारी देण्यात आली आहे.
जळगाव शहर विधानसभा मतदारसंघासाठी विद्यमान आमदार सुरेश (राजू मामा) भोळे यांना पुन्हा संधी भाजपने दिली तर भुसावळ मतदार संघासाठी संजय वामन सावकारे यांची उमेदवारी फायनल झाली आहे. तर चाळीसगाव मतदारसंघात मंगेश चव्हाण, जामनेर विधानसभा मतदारसंघासाठी गिरीश महाजन यांचे नाव पहिल्या यादीत जाहीर झाले आहे.
पहिल्या यादीतील चारही उमेदवार मातब्बर असुन विरोधी पक्ष कोण उमेदवार उभा करणार यावर यांचे भविष्य आहे.जळगांव मतदार संघात राजुमामा भोळे यांच्या विरोधात गुलाबराव देवकर तर जामनेर येथे महाजन विरुध्द खोडपे तर भुसावळात सावकारे विरुद्ध मानवतकर किवा प्रिती महाजन असे उमेदवार फायनल होण्याची शक्यता आहे .
