भुसावळात गावठी कट्टा व स्कार्पिओ गाडीसह एका आरोपीस अटक!
भुसावळ खान्देश लाईव्ह न्यूज प्रतिनिधी – भुसावळ येथे गावठी पिस्तोल व स्कार्पिओ गाडीसह एका आरोपीस ताब्यात घेण्यात आले आहे .त्याबाबत पोलीस सुत्राकडून मिळालेल्या माहितीनुसार गणेशोत्सवाच्या अनुषंगाने जळगाव पोलीस अधीक्षक महेश्वर रेड्डी तसेच अप्पर पोलीस अधीक्षक अशोक नखाते यांच्या मार्गदर्शनाखाली पोलीस निरीक्षक बबन आव्हाड ,पोलीस उपनिरीक्षक दत्तात्रय पोटे, पोलीस हेड कॉन्स्टेबल कमलाकर बागुल ,गोपाळ गव्हाळे , संदीप चव्हाण, संघपाल तायडे , पोलीस नाईक प्रवीण भालेराव , सचिन पोळ आदींचे पथक भुसावळ शहरांमध्ये गस्त घालत असताना सुभेदार रामजी हायस्कूल जवळ इलेक्ट्रिकल च्या दुकानाजवळ सुमित मनोहर पवार हा मोटरसायकलवर आढळून आला . त्याच्याजवळ एक गावठी कट्टा व जिवंत काडतूस असा मुद्देमाल होता .तसेच या गुन्ह्यामध्ये एक स्कार्पिओ सुद्धा जप्त करण्यात आली आहे .या घटनेत एकूण सहा लाखाचा मुद्देमाल यावेळी पोलिसांनी जप्त केला आहे .याबाबत भुसावळ शहर पोलीस स्टेशनला विविध कलमानुसार संशयित आरोपी सुमित पवार वर विविध कलमानुसार गुन्हा दाखल करण्यात आला आहे .
भुसावळ शहरात पोलिसांच्या गस्तीमध्ये विविध ठिकाणी अवैध धंद्या वर, ‘नकली नोटा , शस्त्र आदिवर कारवाई सुरू असून अवैध धंदेवाल्यांचे धाबे दणाणले आहे .
