Friday, July 11, 2025
Homeजळगावमध्य रेल्वेच्या महाव्यवस्थापकांनी कर्मचारी एकात्मिक पेन्शन योजनेबाबत प्रसारमाध्यमांना दिली माहिती

मध्य रेल्वेच्या महाव्यवस्थापकांनी कर्मचारी एकात्मिक पेन्शन योजनेबाबत प्रसारमाध्यमांना दिली माहिती

 मध्य रेल्वेच्या महाव्यवस्थापकांनी कर्मचारी एकात्मिक पेन्शन योजनेबाबत प्रसारमाध्यमांना दिली माहिती 

भुसावळ खान्देश लाईव्ह न्यूज प्रतिनिधी – मध्य रेल्वेचे महाव्यवस्थापक राम करण यादव यांनी छत्रपती शिवाजी महाराज टर्मिनस, मुंबई येथून व्हिडिओ कॉन्फरन्सद्वारे मध्य रेल्वेच्या सर्व विभागातील प्रसारमाध्यमांच्या प्रतिनिधींशी संवाद साधला आणि केंद्रीय सरकारी कर्मचाऱ्यांसाठीच्या एकत्रित पेन्शन योजनेच्या (UPS) प्रमुख वैशिष्ट्यांबाबत माहिती दिली.केंद्रीय मंत्रिमंडळाने 24 ऑगस्ट 2024 रोजी UPS मंजूर केली असून, ती 1 एप्रिल 2025 पासून प्रभावी होईल. या योजनेचा लाभ सुमारे 23 लाख केंद्रीय सरकारी कर्मचाऱ्यांना होणार आहे.मध्य रेल्वेवर सध्या 96,039 कर्मचारी कार्यरत आहेत, ज्यापैकी 70,778 कर्मचारी म्हणजेच 73.69% कर्मचारी नवीन पेन्शन योजनेचे (NPS) सदस्य आहेत, ज्यांना UPS चा लाभ होणार आहे.सध्या मध्य रेल्वेचे NPS अंतर्गत सर्व कर्मचाऱ्यांसाठी नियोक्त्यांच्या 14% योगदानानुसार प्रति महिना 45.5 कोटी रुपये योगदान आहे.
UPS ची प्रमुख वैशिष्ट्ये खालीलप्रमाणे आहेत
1) आश्वासित पेन्शन:
निवृत्तीनंतरच्या 12 महिन्यांच्या कालावधीतील सरासरी मूळ वेतनाच्या 50% रक्कम, किमान 25 वर्षांच्या सेवा कालावधीनंतर कमी कालावधीसाठी प्रमाणानुसार, किमान 10 वर्षांच्या सेवेसाठी
2.) आश्वासित कौटुंबिक पेन्शन:कर्मचाऱ्याच्या मृत्यूपूर्वी असलेल्या पेन्शनच्या 60% रक्कम
3.)आश्वासित किमान पेन्शन: किमान 10 वर्षांच्या सेवेनंतर निवृत्तीनंतर दरमहा रु. 10,000
4.) महागाई निर्देशांक: आश्वासित पेन्शन, आश्वासित कौटुंबिक पेन्शन आणि आश्वासित किमान पेन्शनवर महागाई भत्ता .औद्योगिक कामगारांसाठीच्या सर्व भारत उपभोक्ता किंमत निर्देशांकानुसार (AICPI-IW) महागाई दिलासा
5.) लाभ:निवृत्तीनंतर एकरकमी पेमेंट, ग्रॅच्युइटी व्यतिरिक्त सेवेसाठी दर सहा महिन्यांच्या कालावधीसाठी 1/10वी मासिक वेतनाची (वेतन + महागाई भत्ता) रक्कम या पेमेंटने आश्वासित पेन्शनमध्ये घट होणार नाही

UPS चे इतर वैशिष्ट्ये:

UPS ची तरतूद NPS अंतर्गत आधीच निवृत्त झालेल्या कर्मचाऱ्यांना लागू होईल. गेल्या कालावधीच्या थकबाकीचे व्याज PPF दरानुसार दिले जाईल UPS कर्मचार्‍यांना पर्याय म्हणून उपलब्ध असेल. विद्यमान तसेच भविष्यातील कर्मचारी NPS किंवा UPS निवडण्याचा पर्याय ठेवू शकतात. एकदा पर्याय निवडला की तो अंतिम असेल.
कर्मचाऱ्यांचे योगदान वाढणार नाही. UPS लागू करण्यासाठी सरकार अतिरिक्त योगदान देईल. सरकारी योगदान 14% वरून 18.5% करण्यात आले आहे.

UPS ची अंमलबजावणी:

UPS 1 एप्रिल 2025 पासून लागू केली जाईल.
समर्थन प्रणाली आणि आवश्यक कायदेशीर, नियामक आणि लेखापरीक्षण बदल तयार केले जातील. UPS ची अंमलबजावणी केंद्र सरकार करीत आहे .ज्याचा लाभ सुमारे 23 लाख केंद्रीय सरकारी कर्मचार्‍यांना होणार आहे.राज्य सरकारांनी देखील त्याच प्रकारची योजना स्वीकारली आहे. ज्याचा लाभ सध्या NPS अंतर्गत असलेल्या सुमारे 90 लाख राज्य सरकारी कर्मचार्‍यांना होणार आहे.
या प्रसंगी मध्य रेल्वेचे मुख्य सिग्नल व दूरसंचार अभियंता धरमवीर मीना, मुख्य कार्मिक अधिकारी सहज बापजाई, मुख्य वित्त सल्लागार संजय कुमार, वित्त सल्लागार आणि मुख्य लेखाधिकारी (सामान्य) श्रीमती अमिता शुक्ला, मुख्य कार्मिक अधिकारी (सामान्य) हफीज मोहम्मद, जीएमचे सचिव पी के चतुर्वेदी, मुख्य जनसंपर्क अधिकारी डॉ. स्वप्निल निला आणि इतर वरिष्ठ अधिकारी देखील उपस्थित होते. या प्रसंगी भुसावळ अतिरिक्त विभागीय रेल्वे व्यवस्थापक एम के मीना, तसेच वरिष्ठ विभागीय वाणिज्य व्यवस्थापक, विभागीय वित्त व्यवस्थापक, आणि विभागीय प्रसारमाध्यमांचे प्रतिनिधी व्हिडिओ लिंकद्वारे उपस्थित होते.
RELATED ARTICLES

ताज्या बातम्या