जय गणेश फाऊंडेशन च्या नवसाच्या गणपतीची मोठ्या उत्साहात स्थापना
भुसावळ खान्देश लाईव्ह न्यूज प्रतिनिधी – भुसावळ येथील जय गणेश फाऊंडेशनच्या नवसाच्या गणपतीची पारंपरिक वाद्यांच्या गजरात आगमन मिरवणूक निघून स्थापना करण्यात आली. रामदास ढाके आणि राजेंद्र यावलकर यांनी सपत्नीक सुरभी नगरच्या गणपती मंदिरापासून गुरव वाद्यांच्या गजरात गणपती बाप्पा मोर्या च्या जयघोषात गणपती बाप्पांना मंडपात आणले.
फाऊंडेशनचे अध्यक्ष राजेंद्र यावलकर सपत्नीक आणि प्रा.मधुकर खराटे यांच्या हस्ते विधिवत पुजा करून गणरायाची स्थापना करण्यात आली आहे. याप्रसंगी फाऊंडेशनचे संस्थापक अध्यक्ष उमेश नेमाडे, समन्वयक गणेश फेगडे, सचिव तुकाराम आटाळे,राहुल भावसेकर, तुषार झांबरे, हर्षल वानखेडे, नचिकेत यावलकर, प्रविण पाटील, निलेश कोलते,जय गणेश ज्येष्ठ नागरिक संघाच्या सदस्यांसह परिसरातील भाविक उपस्थित होते.
जय गणेश फाऊंडेशनच्या वतीने गणपती उत्सवानिमित्त दरवर्षी विविध सामाजिक धार्मिक व सांस्कृतिक कार्यक्रम राबविण्या येतात. सर्व शहरातील गणेश भक्तांनी दर्शनाचा लाभ घ्यावा असे आवाहन जय गणेश मंडळाचे संस्थापक अध्यक्ष उमेश नेमाडे यांनी केले आहे.
