भुसावळ खान्देश लाईव्ह न्युज प्रतिनिधी – शहरातील अप्सरा चौकातील ७० फेरीवाल्यांना (हॉकर्स) मुख्य बाजारातील गणपती मंदिराजवळील मोकळ्या ओट्यांवर जागा देण्याचा निर्णय घेण्यात आला. येत्या महिनाभरात या जागेवर पत्री शेड, दिवाबत्तीची व्यवस्था करुन ही जागा भोगवट्याने दिली जाईल. शनिवारी वस्त्रोद्योग मंत्री संजय सावकारे यांच्यासोबत हॉकर्स समितीची बैठक झाली. त्यात हा निर्णय घेण्यात आला.शहरातील मुख्य बाजारपेठेतील जामनेर रोडवरील वाल्मीक नगर चौक ते अप्सरा चौक यादरम्यान रस्ता काँक्रिटीकरण करुन दुभाजक टाकण्यात येत आहेत. हॉकर्स बांधवांसोबत चर्चा करताना मंत्री संजय सावकारे, निर्मल कोठारी. आदी उपस्थित होते .
मिरवणुकीला अडथळे नाही
वाल्मीक नगर चौक ते अप्सरा चौक या मार्गावर विविध रॅली, मिरवणुका निघतात. रस्त्याच्या मधोमध दुभाजक टाकल्यास मिरवणूक मार्गात अडथळे होतील, अशी शक्यता आहे. पण, या मार्गावर सिंगल दुभाजक आहे. मिरवणुकीला अडथळे होणार नाही, अशी चर्चा बैठकीत झाली.
