फैजपूर खानदेश लाईव्ह न्युज प्रतिनिधी दि 30जळगाव स्थानिक गुन्हे शाखा (एलसीबी) ने फैजपूर उपविभागात न्हावी येथे धडक कारवाई करत अवैधरित्या अंमली पदार्थ गांजा विक्रीसाठी साठवून ठेवलेल्या दोन इसमांना रंगेहाथ अटक केली त्यांच्या कडून तब्बल ९ किलो ७१७ग्रॅम गांजा, किंमत १,९४,३४० रुपये इतका मुद्देमाल हस्तगत करण्यात आला आहे. ही घटना दि. २८ ऑगस्ट रोजी घडली.गणेशोत्सवाच्या पार्श्वभूमीवर फैजपूर उपविभागात गस्त घालत असताना पथकाला गुप्त माहिती मिळाली की, न्हावी शिवारातील एका शेतातील पत्र्याच्या घरात दोनइसम अवैधरित्या गांजा साठवून विक्रीसाठी ठेवले आहेत. वरिष्ठ पोलीस निरीक्षक संदीप पाटील यांच्या मार्गदर्शनाखाली फैजपूर पोलीस ठाणे, यावल पोलीस ठाणे व एलसीबीच्या संयुक्त पथकाने छापा टाकून ही कारवाई केली.या कारवाईत रगन सुकराम वारेला (वय ३२, रा. महादेव शिरवेल, ता. भगवानपुरा, जि. खरगोन, मध्यप्रदेश, ह.मु. न्हावी) व अझरुद्दीन अब्दुल वाहिद कुरेशी (वय २७, रा.
सिध्दवलपुर, एलहंका, बेंगलुरु, कर्नाटक) यांना अटक करण्यात आली. त्यांच्या ताब्यातून गांजा जप्त करण्यात आला असूनफैजपूर पोलीस स्टेशनला गुन्हा दाखल करण्यात आला आहे.
सदरची कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी अनिल बडगुजर यांच्या मार्गदर्शनाखाली यावल पोलीस ठाण्याचे पोनि. रंगनाथ धारबळे, फैजपूर पोलीस ठाण्याचे प्रभारीएलसीबीचे पोउपनि. शरद बागल, निरज बोकील, विनोद गाभणे यांनी केली.
