यावल तहसीलदार तालुक्यात “सेवा पंधरवडा” तीन टप्प्यात राबविणार..
पत्रकार परिषदेत दिली माहिती.
यावल दि.११ खानदेश ला इंग्लिश प्रतिनिधी महाराष्ट्र शासन,जिल्हाधिकारी जळगाव,प्रांताधिकारी यांच्या आदेशानुसार यावल तालुक्यात ” सेवा पंधरवडा “कार्यक्रम तीन टप्प्यात राबविण्याचे नियोजन केले असल्याची माहिती यावल तहसीलदार सौ.मोहनमाला नाझिरकर यांनी आज तहसील कार्यालयात आयोजित पत्रकार परिषदेत दिली.
दि.१७ ते २२ सप्टेंबर २०२५ , दि.२३ ते २७ सप्टेंबर,आणि दि.२८ ते २ ऑक्टोबर २०२५ अशा तीन टप्प्यांमध्ये तालुक्यातील महसूल थकबाकी मुक्ती मोहीम,जिवंत सातबारा,जिवंत रेशन कार्ड,शेत सुलभ योजना,पानंद रस्ते, दफनभूमी / स्मशानभूमी, महासमाधान शिबिर,शेतकरी आत्महत्या कुटुंब यांना सर्व लाभ देणे,महाविद्यालयीन शिबिरे घेऊन दाखले वितरण कार्यक्रम.वर्ग २ ते वर्ग १ रूपांतरण,सामाजिक अर्थसहाय्य योजना मुद्दा क्रमांक ११ नुसार कार्यवाही करणे. इत्यादी सेवा पंधरवाडा साजरा करण्याचे नियोजन यावल तहसीलदार सौ. मोहनमाला नाझीरकर यांनी केले असल्याची माहिती पत्रकार परिषदेत दिली.
