सतपंथ चॅरिटेबल ट्रस्ट तर्फे ५०१ कन्यांचे पूजन करून दिला नारिशक्तीच्या सम्मानाचा संदेश.
फैजपूर : खान्देश लाईव्ह प्रतिनिधी
नवरात्र उत्सवात कन्या पूजनाचे विशेष महत्त्व आहे. दुर्गा, सरस्वती व लक्ष्मीचे रूप असलेल्या कन्यांचे पूजन करून त्यांचा आशीर्वाद हा महत्त्वाचा असल्याने येथील सतपंथ चारिटेबल ट्रस्ट तर्फे तुलसी हेल्थ केअर सेंटर श्री निष्कलंक धाम वढोदा, फैजपूर येथील निसर्गरम्य अशा ठिकाणी परिसरातील तब्बल ५०१ कन्यांचे पूजन
करण्यात आले. महामंडलेश्वर जनार्दन हरी जी महाराज यांनी उपस्थित कन्यांचे पाय धुवून, पुसून स्वच्छ करून प्रत्येकीचे विधिवत औक्षण केले. नंतर त्यांना सन्मानाने पाटावर बसवून पोटभर भोजन दिले. या सर्व कन्यांना पाण्याची बॉटल, शालेय साहित्य, काही रक्कम भेट म्हणून देण्यात आली. यावेळी उपस्थित कन्यांच्या
चेहऱ्यावरचा आनंद गगनात मावेनासा झाला. यावेळी महाराजांसह उपस्थितांनी सर्व समाजातील दुर्गेच्या रूपात असलेल्या कन्यांचा आशीर्वाद घेतला. यावेळी कन्यांच्या आई-वडिलांसह सतपंथ चॅरिटेबल ट्रस्टचे पदाधिकारी व कार्यकर्ते उपस्थित होते.
