मारूळ ते न्हावी रस्त्याच्या दयनीय अवस्थेमुळे जि.प.पं.स. निवडणुकीत उमेदवारांच्या मतदानात मोठा खड्डा पडणार..?
यावल खानदेश लाईव्ह न्युज प्रतिनिधी दि.२५ तालुक्यातील मारूळ- ते न्हावी रस्त्याच्या आजूबाजूने मोठ्या प्रमाणात काटेरी झाडे- झुडपे झाली आहेत त्यामुळे तसेच रस्त्यावर मोठमोठे खड्डे पडल्याने ग्रामस्थांना वाहनधारकांना मोठा त्रास सहन करावा लागत असून वाहतुकीस अडथळा निर्माण होत असल्याने होणाऱ्या जिल्हा परिषद पंचायत समिती निवडणुकीतील उमेदवाराच्या मतदानावर विपरीत परिणाम होणार असल्याची ग्रामस्थांमध्ये चर्चा सुरू आहे.
मारूळ ते न्हावी रस्त्याचे दोन्ही बाजूने मोठ्या प्रमाणावर काटेरी जोडप्यांचे साम्राज्य निर्माण झाले आहे झुडपांमुळे मोठ्या प्रमाणावर अडथळा निर्माण होत असून मोठा अपघाताची शक्यता नाकारता येत नाही मारूळ ते न्हावी या ४ कि.मी.लांबीच्या रस्त्यावर झाडे – झुडपांमुळे समोरून येणारे वाहन दिसत नाही या रस्त्याची अतिशय दुर्दशा झाली असल्यामुळे या रस्त्यावरील वाहतूक धोक्याची,जीव घेण्याची झाली आहे, मारूळ ते न्हावी हा रस्ता इतका खराब झाला आहे की रस्त्यात खड्डे की खड्ड्यात रस्ता हेच समजत नाही तसेच या रस्त्याची दोन्ही बाजूकडील साईट पट्ट्यांची अनेक वर्षापासून दुरुस्ती व भराव न झाल्यामुळे साईट पट्ट्या पूर्णपणे निकामी,अदृश्य झाल्या आहेत साईट पट्ट्या खोल झाल्यामुळे समोरून येणारा वाहनांना साईट दिली तरी अपघात होण्याचा धोका निर्माण झाला आहे.
रिक्षा चालकांनी बुजविलखड्डे
मारूळ न्हावी या रस्त्यावर अनेक शेतकऱ्यांनी पाण्याच्या पाईप लाईन टाकण्यासाठी खोदकाम केल्याने रस्त्यावर मोठ मोठे खड्डे झालेले आहेत,अपघाताची दाट शक्यता लक्षात घेता रिक्षा चालकांनी एकत्र मिळून मातीचा भर टाकत खड्डे बुजविले यामुळे वाहनधारकांना थोडा दिलासा मिळाला असून रिक्षा चालकांचे ग्रामस्थांनी वाहनधारकांनी कौतुक होत आहे.
रस्त्याची दुरुस्ती कागदोपत्री मोटर सायकलवर मागे महिला असेल तर स्थिती आणखी बिकट होते मारूळ ते न्हावी रस्त्याची गेल्या अनेक वर्षापासून दुरुस्ती व साईट पट्ट्या भरावाचे काम संबंधित विभागाने अधिकाऱ्यांनी तसेच लोकप्रतिनिधी केले नाही,संबंधित अधिकाऱ्यांनी या रस्त्याची दुरुस्ती कागदोपत्री दाखवली असावी ? असा प्रश्न ग्रामस्थांमध्ये,वाहनधारकांमध्ये उपस्थित होत आहे.याबाबत वरिष्ठ पातळीवरून चौकशी करायला पाहिजे आणि लवकरात लवकर रस्त्याच्या आजूबाजूची काटेरी झाडे झुडपे जेसीपी मशीन ने काढून रस्त्याचे साईट पट्ट्या व डांबरीकरणाचे काम करावे अशी मागणी ग्रामस्थ वाहनधारक करीत आहे.
