यावल न.प.सदस्या वर्षा आकाश चोपडे यांचा ॲक्शन मोड प्रभागातील समस्या जाणून घेत प्रशासनाला तात्काळ सूचना.
यावल खानदेश लाईव्ह न्युज प्रतिनिधी दि.१६
यावल नगरपरिषद प्रभाग क्रमांक ९ मध्ये नगरसेविका वर्षा आकाश चोपडे यांचा ॲक्शन मोड नागरिकांच्या समस्या जाणून घेत प्रशासनाला तात्काळ कार्यवाहीचे आदेश दिल्याने प्रभागातील नागरिकांमध्ये समाधान व्यक्त करण्यात येत आहे.
नगरसेविका वर्षा आकाश चोपडे यांनी राष्ट्रवादी काँग्रेस पार्टीचे युवक तालुकाध्यक्ष आकाश चोपडे,पक्षाचे कार्यकर्ते तसेच नगरपालिका प्रशासनातील अधिकारी व कर्मचाऱ्यांसमवेत प्रत्यक्ष प्रभागाची पाहणी केली. पाहणीदरम्यान नागरिकांशी थेट संवाद साधत त्यांच्या अडचणी व प्रलंबित समस्यांची माहिती घेऊन त्या समस्या तातडीने सोडविण्याच्या दृष्टीने नगरसेविका वर्षा आकाश चोपडे यांनी संबंधित अधिकारी व कर्मचाऱ्यांना प्रत्येक समस्येची नोंद करण्यास सांगून समस्या तत्काळ सोडवण्याबाबत सूचना दिल्या.
नागरिकांना भेडसावणाऱ्या प्रश्नांवर वेळेत कार्यवाही व्हावी आणि प्रभागातील नागरी सुविधांमध्ये सुधारणा व्हावी, यासाठी त्यांनी प्रशासनाला तातडीने कामाला लागण्याचे निर्देश दिले.
‘समस्या सोडवा आणि जिओ-टॅगिंगसह फोटो पाठवा
या पाहणीतील विशेष बाब म्हणजे नगरसेविका वर्षा आकाश चोपडे यांनी केवळ तोंडी आश्वासनांवर न थांबता कामाच्या प्रत्यक्ष पूर्ततेवर भर दिला. प्रभागातील नोंदविण्यात आलेल्या समस्या तातडीने सोडविण्यात याव्यात आणि प्रत्येक काम पूर्ण झाल्यानंतर त्या ठिकाणचे जिओ-टॅगिंगसह फोटो सादर करण्यात यावेत, असे स्पष्ट निर्देश नगरपालिका प्रशासनाला दिले.
यामुळे संबंधित कामे प्रत्यक्षात पूर्ण झाली आहेत की नाहीत, याची पडताळणी करता येणार असून प्रशासनाच्या कामकाजात जबाबदारी आणि पारदर्शकता राखण्यावर भर राहणार आहे.
नागरिकांच्या समस्या सोडविण्यासाठी प्रत्यक्ष कृतीवर भर — प्रभागातील नागरिकांना आपल्या समस्या मांडण्यासाठी वारंवार कार्यालयांचे उंबरठे झिजवावे लागू नयेत,तसेच मूलभूत नागरी सुविधांबाबतच्या तक्रारींचे वेळेत निराकरण व्हावे, हा या पाहणीमागील मुख्य उद्देश होता.नागरिकांच्या प्रश्नांना प्राधान्य देऊन संबंधित विभागांनी समन्वयाने काम करावे,अशी भूमिका नगरसेविका वर्षा आकाश चोपडे यांनी यावेळी मांडली.
या पाहणीमुळे प्रभागातील समस्यांकडे प्रशासनाचे लक्ष वेधले गेले असून,आता संबंधित कामांच्या प्रत्यक्ष अंमलबजावणीकडे नागरिकांचे लक्ष लागले आहे.
नागरिकांच्या समस्या, प्रशासनाची जबाबदारी आणि कामाच्या पूर्ततेची खात्री — या त्रिसूत्रीच्या माध्यमातून प्रभाग क्र.९ च्या विकासाला गती देण्याचा निर्धार नगरसेविका वर्षा आकाश चोपडे यांनी या पाहणीद्वारे अधोरेखित केला.
