बाल संस्कार विद्या मंदिरात विद्यार्थ्यांचा प्रवेशोत्सव संपन्न.
यावल खानदेश लाईव्ह न्युज प्रतिनिधी येथील बाल संस्कार विद्या मंदिर मध्ये नवीन शैक्षणिक वर्ष २०२६-२७ निमित्त प्रवेशोत्सव कार्यक्रम मोठ्या उत्साहात संपन्न झाला.यावेळी बालवाडी व इयत्ता पहिलीच्या नवागत विद्यार्थ्यांचे पुष्पगुच्छ देऊन,औक्षण करून व टाळ्यांच्या गजरात विद्यार्थ्यांचे स्वागत केले.
कार्यक्रमाची सुरुवात प्रभात फेरीने झाली.त्यानंतर विद्यार्थ्यांना मिठाई व पाठ्यपुस्तकांचे वाटप करण्यात आले.संस्थेचे अध्यक्ष महेशभाऊ वाणी यांच्या हस्ते नवागत विद्यार्थ्यांचे स्वागत व त्यात पुस्तक वितरण करण्यात आले.
याप्रसंगी शाळेचे मुख्याध्यापक सुनील माळी सर, बालवाडी मुख्याध्यापिका कवडीवाले मॅडम तसेच सर्व शिक्षक-शिक्षिका उपस्थित होत्या.उपस्थितमान्यवरांनी विद्यार्थ्यांना नवीन शैक्षणिक वर्षासाठी शुभेच्छा देत नियमित अध्ययन,शिस्त व संस्कारांचे महत्त्व पटवून दिले.
प्रवेशोत्सवामुळे विद्यार्थी,पालक व शिक्षकांमध्ये उत्साहाचे वातावरण निर्माण झाले.नवागत विद्यार्थ्यांना आनंददायी व प्रेरणादायी वातावरणात शिक्षणाची सुरुवात करून देण्याचा शाळेचा उद्देश या कार्यक्रमातून सफल झाल्याचे दिसून आले.
