पीएम श्री केंद्रीय विद्यालय आयुध निर्माणीत पोषण आहार सप्ताह उत्साहात संपन्न

पीएम श्री केंद्रीय विद्यालय आयुध निर्माणीत पोषण आहार सप्ताह उत्साहात संपन्न
​  भुसावळ खानदेश लाईव्ह न्युज प्रतिनिधी    पीएम श्री केंद्रीय विद्यालय आयुध निर्माणीत १ ते ७ सप्टेंबर दरम्यान पोषाहार सप्ताह प्राचार्य श्री. डी. एस. नंदेश्वर सर व वरिष्ठ शिक्षिका कु. संध्या परदेशी मॅडम यांच्या मार्गदर्शनाखाली मोठ्या उत्साहात व आनंदात साजरा करण्यात आला. यादरम्यान संपूर्ण आठवडाभर विद्यार्थ्यांना पौष्टिक आहार, निरोगी जीवनशैली आणि जंक फूडपासून दूर राहण्याबाबत विविध सर्जनशील उपक्रमांच्या माध्यमातून जागरूक करण्यात आले.
​पहिल्या दिवशी “जंक फूड नको नको रे बाबा” या विषयावर गीत व कृतीयुक्त उपक्रमाचे आयोजन रजनी मॅडम यांच्याकडून करण्यात आले.
​दुसऱ्या दिवशी कविता वाचन स्पर्धा घेण्यात आली, ज्यामध्ये सचिन सर व मिस्त्री सर यांचे मार्गदर्शन लाभले.
​तिसऱ्या दिवशी वेशभूषा (फॅन्सी ड्रेस) स्पर्धा आयोजित करण्यात आली. यात विद्यार्थ्यांनी फळे, भाजीपाला व भरडधान्यांची (मिलेट्स) वेशभूषा परिधान करून पौष्टिक आहाराचा संदेश दिला. या उपक्रमाचे आयोजन संदीप सर, निलेश सर व शिवा मॅडम यांनी केले.
​चौथ्या दिवशी घोषवाक्य (स्लोगन) लेखन स्पर्धा पार पडली, ज्यामध्ये उज्ज्वल मॅडम व सागर सर यांचे सहकार्य लाभले.
​पाचव्या दिवशी नृत्यविषयक उपक्रमांचे आयोजन ममता मॅडम व प्रियंका मॅडम यांच्याद्वारे करण्यात आले. विद्यार्थ्यांनी यामध्ये उत्साहाने सहभाग घेऊन आपल्या कलागुणांचे प्रदर्शन घडवले.
​सहाव्या दिवशी विद्यार्थ्यांमार्फत पथनाट्य सादर करण्यात आले. या कार्यक्रमाचे मार्गदर्शन दीपक सर व लोखंडे मॅडम यांनी केले. नाटकाच्या माध्यमातून विद्यार्थ्यांना पौष्टिक आहाराचे महत्त्व आणि निरोगी खाण्याच्या सवयींविषयी जागरूक करण्यात आले.
​अखेरच्या दिवशी डॉ. महेश फिरके सर यांनी विद्यार्थ्यांना जंक फूड न खाण्याचा सल्ला दिला. त्यांनी एका सुंदर व प्रेरणादायी गोष्टीच्या माध्यमातून मुलाझना पौष्टिक आहाराचे महत्त्व अत्यंत सोप्या आणि प्रभावी भाषेत समजवून सांगितले. त्यांच्या या गोष्टीने विद्यार्थ्यांना निरोगी व पौष्टिक अन्नपद्धत अंगीकारण्यासाठी प्रेरित केले.
​कार्यक्रमाच्या सांगता समारंभाप्रसंगी प्राचार्य श्री. डी. एस. नंदेश्वर सर यांनी सर्व शिक्षकांना एनर्जी ड्रिंक व फळांचे वाटप केले. हा कार्यक्रम यशस्वी करण्यासाठी सर्व शिक्षक व पालकांचे बहुमूल्य सहकार्य लाभले. अशा प्रकारे विविध रचनात्मक व ज्ञानवर्धक उपक्रमांच्या साहाय्याने पोषण सप्ताहाचा यशस्वी व प्रेरणादायी समारोप झाला.