‘सेवा संकल्प अभियाना’अंतर्गत रक्तदान व आरोग्य तपासणी शिबिर
ग्रामपंचायत अधिकारी युनियन शाखा जळगावचा उपक्रम; अधिकारी-कर्मचाऱ्यांचा उत्स्फूर्त प्रतिसाद
जळगाव खानदेश लाईव्ह न्युज प्रतिनिधी : ग्रामपंचायत अधिकारी युनियन शाखा जळगावच्या वतीने ‘सेवा संकल्प अभियान’अंतर्गत बुधवार, दि. २३ सप्टेंबर रोजी पंचायत समिती जळगाव येथे विशेष रक्तदान व आरोग्य तपासणी शिबिराचे आयोजन करण्यात आले. या उपक्रमाला ग्रामपंचायत अधिकारी व कर्मचाऱ्यांचा उत्स्फूर्त प्रतिसाद मिळाला.गटविकास अधिकारी चंद्रकांत बोढरे, ग्रामपंचायत अधिकारी युनियन जळगावचे अध्यक्ष बबन आप्पा वाघ तसेच विस्तार अधिकारी व कास्ट्राईब संघटनेचे राज्य उपाध्यक्ष पुलकेशी केदार यांच्या संयुक्त मार्गदर्शनाखाली हे शिबिर घेण्यात आले.
शिबिरात ग्रामपंचायत अधिकाऱ्यांची आरोग्य तपासणी करण्यात आली. तसेच अधिकारी व कर्मचाऱ्यांनी स्वेच्छेने रक्तदान करून सामाजिक बांधिलकी जपली. चंद्रशेखर वराडे, भोजराज फालक, दिनेश देवराज, नरेंद्र साळुंखे, किरण फारसे यांच्यासह अन्य ग्रामपंचायत अधिकाऱ्यांनी रक्तदान केले.रक्तदान करणाऱ्या सर्व अधिकारी व कर्मचाऱ्यांचे तालुका संघटनेचे अध्यक्ष बबन आप्पा वाघ यांनी आभार मानले. सेवा संकल्प अभियानाच्या माध्यमातून आरोग्यविषयक जागरूकता आणि सामाजिक बांधिलकीचा संदेश देणारा हा उपक्रम राबविण्यात आल्याचे यावेळी सांगण्यात आले.
