मराठी पत्रकार संघाच्या भुसावळ तालुका अध्यक्षपदी संतोष शेलोडे यांची निवड

मराठी पत्रकार संघाच्या भुसावळ तालुका अध्यक्षपदी संतोष शेलोडे यांची निवड

भुसावळ खान्देश लाईव्ह न्यूज प्रतिनिधी – मराठी पत्रकार संघाच्या भुसावळ तालुका अध्यक्ष पदी खान्देश लाईव्ह न्युज चे संपादक संतोष शेलोडे यांची निवड करण्यात आली आहे .पत्रकारांच्या न्याय आणि हक्कासाठी लढा देणाऱ्या मराठी पत्रकार संघाचा २३ जून रोजी पुण्यातील सिम्बायोसिस सभागृहात नेशन फस्ट हा कार्यक्रम पार पडला.

यावेळी मराठी पत्रकार संघाच्या विविध पदाधिकाऱ्यांची निवड करण्यात आली. यावेळी भुसावळ तालुकाध्यक्षपदी पत्रकार संतोष शेलोडे यांची निवड करण्यात आली आहे. यावेळी संघाचे प्रदेशाध्यक्ष किरण जोशी यांनी नियुक्तीपत्र देत पदाधिकाऱ्यांची निवड केली आहे. कार्यक्रमास प्रमुख आतिथी म्हणून केंद्रीय रस्ते वाहतूक महामार्ग मंत्री नितीन गडकरी, सिम्बायोसिस शिक्षण संस्थेचे संस्थापक शां. ब. मुजुमदार, उच्च व तंत्र शिक्षण मंत्री चंद्रकांत पाटील, ज्येष्ठ पत्रकार विजय बाविस्कर, किरण ठाकूर, सुनील माळी, भावेश शिंगोटे, राष्ट्रीय मराठी मोर्चाचे संस्थापक आनंद रेखी, सुशील जाधव आदी मान्यवर उपस्थित होते .

या निवडीबद्दल भुसावळ येथील पर्यावरण तज्ञ व वृक्षप्रेमी सुरेंद्र सिंग पाटील आवाज जनतेचा न्युज चे संपादक कलीम पायलट , दै .देशदूतचे भुसावळ तालुका प्रतिनिधी मनोहर लोणे , देशदूत चे विभागीय जाहिरात व्यवस्थापक शंतनु गचके , प्रशांत बोरोले , पत्रकार वसंत कोलते, आदींनी संतोष शेलोडे यांचा सत्कार केला .