गुरुपौर्णिमेनिमित्त जनार्दन हरी जी महाराज यांच्या सत्संगाचे भव्य आयोजन
फैजपूर : खान्देश लाईव्ह प्रतिनिधी
शेकडो वर्षापासून सुरु असलेली गुरु परंपरा अखिल भारतीय संत समितीचे कोषाध्यक्ष सतपंथ संस्थानचे गादीपती महामंडलेश्वर जनार्दन हरिजी महाराज मोठ्या भक्तीभावाने व आनंदाने गुरुपौर्णिमेनिमित्त अविरतपणे साजरी करीत आहे. सतपंथ मंदिर संस्थान तथा श्री निष्कलंक धाम वढोदे फैजपूर येथे निसर्गरम्य वातावरणात सत्संगाचे आयोजन केले आहे.
गुरु पौर्णिमा महोत्सवासाठी महाराष्ट्रासह मध्य प्रदेश, गुजरात व परदेशातून हजारो भाविकांची उपस्थिती लाभत असते.
दि. २६ जुलै ते २८ जुलै सकाळी ७ ते दुपारी २ वाजेपर्यंत निष्कलंकी नारायण चरित्राचे पारायण (आगम चरित्र ) पठणाचा कार्यक्रम तसेच २९ जुलै रोजी सकाळी ५ वाजता कलश महापूजा व गुरुदिक्षा असा कार्यक्रम श्रीसतपंथ मंदिर येथे संपन्न होणार आहे. दि. २९ बुधवार या दिवशी गुरु पौर्णिमेनिमित्त सकाळी ९ वाजता सत्संग व ११ वाजेपासुन दर्शन व महाप्रसाद सोहळ्याचे आयोजन वढोदे फैजपूर येथे करण्यात आले आहे.
सतपंथ संप्रदायाचे अनुयायी भारतातील
अनेक राज्यात व देश विदेशात असून मोठ्या संख्येने गुरुवचन श्रवण करण्यासाठी गुरुपौर्णिमेच्या पावन दिवशी उपस्थित राहून कार्यक्रमाचा लाभ घेतात.
प पू जनार्दन महाराज सध्या विदेश प्रवासात सत्संग यात्रेत असून त्यांचे दिनांक २८ जुलै रोजी भारतात आगमन होणार आहे.
