खळबळजनक : वरणगाव आयुध निर्माणीमधून ५ रायफलींची चोरी !
फॅक्टरीतून ३ एके ४७ सह २ रायफल्सची चोरी !
भुसावळ खान्देश लाईव्ह न्यूज प्रतिनिधी – वरणगाव येथील आयुध निर्माणीमध्ये तयार होणाऱ्या गोळ्यांच्या (काडतूस) चाचणीसाठी वापरल्या जाणाऱ्या एके- ४७ च्या तीन व इतर दोन, अशा पाच रायफलींची शस्त्रागारातून चोरी झाली. ही धक्कादायक घटना सोमवार, दि.२१ रोजी घडली.
याबाबत सविस्तर वृत्तांत असे की, याबाबत वरणगाव पोलिसांत बुधवारी रात्री गुन्हा दाखल करण्यात आला आहे. वरणगाव आयुध निर्माणीत लष्करासाठी ५.५६ व एके ४७ • रायफलच्या गोळ्या (काडतूस) तयार केल्या जातात. या गोळ्या तयार झाल्यानंतर डेपोत पाठवण्याआधी त्यांची निर्माणी परिसरातच रायफलद्वारे चाचणी घेतली जाते. या चाचणीसाठी वापरल्या जाणाऱ्या पाच रायफलींची निर्माणीच्या शस्त्रागाराचे कुलूप तोडून चोरी झाल्याची घटना सोमवार, दि.२१ ऑक्टोबर रोजी उघडकीस आली होती.शनिवारी याठिकाणी कार्यरत असलेल्या कर्मचाऱ्यांनी शस्त्रागार विभागाला कुलूप लावून चाबी मेन गेटवर जमा केली होती. त्यानंतर सोमवारी कामावर आल्यानंतर हा प्रकार उघडकीस आला होता
