जळगावात रात्रीच्या सुमारास गोळीबार… दोन तरुण जखमी !
जळगाव खान्देश लाईव्ह न्यूज प्रतिनिधी – वाघ नगरात मंगळवारी रात्री दहा वाजता पूर्व वैमनस्यातून आठ ते दहा जणांच्या टोळक्याने दोन तरुणांवर हल्ला केला. यात एकाने गावठी पिस्तूलमधून गोळी झाडली ती अक्षय सिताराम तायडे (वय २६) याच्या मांडीला चाटून गेल्याची चर्चा होती. तर अक्षय सुरेश लोखंडे (वय २१, दोन्ही रा. समता नगर) याच्या डोक्यात धारदार शस्त्राने वार झाला आहे.
दोघांना शासकीय वैद्यकीय महाविद्यालय व रुग्णालयात दाखल करण्यात आले आहे. वाघ नगर स्टॉप परिसरात अक्षय तायडे व अक्षय लोखंडे हे दोघं दुचाकी लावून उभे असताना रात्री १० वाजेच्या सुमारास आठ ते दहा जणांचे टोळके त्याठिकाणी आले. त्यांनी दोघांवर हल्ला चढवला. यावेळी टोळक्यातील एकाने गोळीबार केला, यामध्ये अक्षय तायडे या तरुणाच्या मांडीला गोळी चाटून गेली.अक्षय लोखंडे याच्या डोक्यात धारदार शस्त्राने वार करण्यात आला असून तो जखमी झाला आहे हल्ल्यानंतर टोळक्याने त्य तरुणांच्या दुचाकींची तोडफोड केली या घटनमुळे परिसरात भीतीच वातावरण आहे.
दरम्यान, दुपारी एका उमेदवाराच उमेदवारी अर्ज दाखल केल्यानंत दोघांमध्ये शाब्दिक बाचाबाच झाली होती. त्यातून हा हल्ल झाल्याचे सांगितले जात आहे गोळीबार झाल्याचे अक्षय तायडे याच म्हणणे आहे, पोलीस त्या दिशेने तपास करीत आहेत. रात्री १० वाजेपर्यंत जबाब नोंदवून घेण्याच काम सुरू होते.
