ममता अजयकुमार डागोर यांच्या महारॅलीमध्ये उमेश नेमाडेंची उपस्थिती,विजय निश्चित असल्याचा ठाम विश्वास
भुसावळ खान्देश लाईव्ह न्यूज नेटवर्क – भुसावळ नगरपालिकेची रणधुमाळी आता जोर पकडू लागलेली असून मतदारांसह उमेदवारांमध्ये उत्साहाचे वातावरण निर्माण झालेले आहे. प्रभाग क्रमांक ९ ‘ब’ या मधील राष्ट्रवादी काँग्रेस पार्टी अजित पवार गटाच्या अधिकृत उमेदवार ममता अजयकुमार डागोर यांच्या महारॅलीमध्ये आज मेहतर वाल्मिकी समाजाने एकदिलाने व एकजूट होऊन सहभागी होऊन उमेदवार ममता अजयकुमार डागोर त्यांच्या पाठीशी खंबीरपणे त्याचे आज दिसून आलेले आहे. वाल्मिकी मेहतर समाजासह सर्व समाजातील उपस्थित नागरिकांसह महिलांनी आज मिरवणुकीत दिलेल्या पाठबळामुळे ममता डागोर यांच्या प्रचाराला कमालीची ताकद मिळाली असून, त्यांच्या समर्थनार्थ जोरदार घोषणाबाजी करत परिसर दणाणून सोडलेला आहे. त्यामुळे त्यांचा विजय आता शंभर टक्के निश्चित असल्याचा ठाम विश्वास त्यांनी व्यक्त केला आहे.
